सो प्रतियोगिताको नगर प्रमुख नाम्गेल जाङ्बु शेर्पा, उपप्रमुख गान्धीमाया तामाङ र सेभेन समिट फाउण्डेशनका अध्यक्ष एसी शेर्पाले उद्घाटन गर्नुभयो । कार्यक्रममा बोल्दै नगरप्रमुख नाम्गेल जाङ्बु शेर्पाले खेल क्षेत्रको विकासका लागि नगरपालिका सधै सकरात्मक सोचका साथ अघि बढेको बताउनुभयो ।

नगरको मात्रै नभइ जिल्लाकै खेलकुदको विकास र पर्वद्धन गर्न नगरपालिका तत्पर रहेको उहाँको भनाइ छ । खाम्दिङ स्थित विद्यालयको खेल मैदानमा जारी प्रतियोगितामा २० टिमको सहभागीता रहेको आयोजकले जनाएको छ । खेल यहि कार्तिक २५ गतेसम्म हुनेछ ।

प्रतियोगितामा प्रथम, द्वितीय, तृतीय र सान्त्वना हुने टिमलाई क्रमशः नगद रु १ लाख ५, ७७ हजार, ५३ हजार र २७ हजारको साथमा ट्रफी मेडल प्रमाणपत्र प्रदान गरिने आयोजकले जनाएको छ ।

यस्तै, उत्कृष्ट प्रशिक्षकलाई रु ३ हजार, सर्वोकृष्ट खेलाडी, उत्कृष्ट स्पाइकर, उत्कृष्ट सेटर, उत्कृष्ट ब्लकर, उत्कृष्ट डिफेन्डर र उत्कृष्ट सर्भरलाई नगद रु २ हजार ५ सयको साथमा मेडल प्रमाणपत्र प्रदान गरिने जनाइएको छ ।

प्रतियोगिता उद्घाटन कार्यक्रममा नगरप्रमुख, उपप्रमुखसहित नगर प्रवक्ता तथा वडा नम्बर ६ का अध्यक्ष फुर्वा ग्याल्जेन शेर्पा, वडा नम्बर ७ का अध्यक्ष सोनाम ग्याल्जेन शेर्पा, ८ का अध्यक्ष पासाङ कटवाल, ९ का अध्यक्ष धनराज तामाङ, १० का अध्यक्ष होम बहादुर मगरसहित अन्य जनप्रतिनिधिहरुको उपस्थिती रहेको थियो ।