सोलुखुम्बु:दुधकोशी खबर
सोलुखुम्बु जिल्लाको खुम्बु पासाङल्हामु गाउँपालिका वडा नम्बर २ स्थित सुर्के भिरमा शव फेला परेको छ ।

गत फागुन २७ गतेबाट बेपत्ता भएका माप्यदुधकोशी गाउँपालिका वडा नम्बर १ जुभिङका २५ वर्षीय केशव राईको भिरमा शव फेला परेको हो ।

जिल्ला प्रहरी कार्यालय सोलुखुम्बुका प्रहरी निरीक्षक रामप्रसाद शाहका अनुसार हिजो दिउँसो करिब ३ बजे सुर्के भिरबाट ५ सय मिटर तल शव भेटिएको हो ।

पैयाँबाट नाम्चे जाने क्रममा लडेर मृत्यु भएको हुन सक्ने प्रहरीले अनुमान गरेको छ । राईको शव भिरमा रहेकाले घटनास्थलमा पुग्न सक्ने अवस्था नभएकाले ड्रोन मार्फत हेर्दा राईको शव भएको प्रहरी निरीक्षक शाहको भनाई छ ।

मृतक राईको बोरामा राखिएको कपडा फेला परेको छ । उक्त शव भिरमा भएका कारण शव निकाल्नका लागि नेपाली सेनासँग समन्वय भइरहेको जिल्ला प्रहरी कार्यालय सोलुखुम्बुले जनाएको छ ।