इलाम:दुधकोशी खबर

नेपाल शेर्पा विद्यार्थी संघ, केन्द्रीय कार्यसमितिको १४औं राष्ट्रिय महाधिवेशनमा फुटी शेर्पाले अध्यक्ष पदमा उम्मेदवार दिएकी छिन् ।

माइजोगमाई-६, प्याङ, इलामकी शेर्पाले शेर्पा विद्यार्थीहरूको सर्वाङ्गीण अधिकार स्थापित गर्न केन्द्रीय अध्यक्ष पदमा शेर्पाले उम्मेदवारी घोषणा गरेकी हुन् । उनी नेपाल शेर्पा विद्यार्थी संघको तत्कालीन महिला उपाध्यक्ष, महाधिवेशन मुल आयोजक समितिको सदस्यको जिम्मेवारी समालिरहेकी छिन् ।

दुई वर्षे कार्यकालमा गर्न सक्ने सम्पूर्ण कार्य विधानको अधीनमा रहेर गर्ने प्रतिबद्धता सहित शेर्पा विद्यार्थीको हक, हित, अधिकार र शेर्पा समुदायको मौलिक पहिचान र सहअस्तित्वको भावनालाई जागृत गर्ने उद्देश्यले उम्मेदवारी घोषणा गरेको उनको भनाइ छ ।

Rara National Music Award-2080 प्राप्त गर्न सफल शेर्पा, रेडियो नेपालले लिने आधुनिक गीतको स्वर परीक्षामा उत्तीर्ण हुने शेर्पा समुदाय कै पहिलो शेर्पा महिला समेत हुन् । १४औं राष्ट्रिय महाधिवेशनको शान; पहिचान र सहअस्तित्वमा समग्र नेपाल शेर्पा विद्यार्थी संघको अभियान” भन्ने मूल नारा सहित आगामी चैत १० गते काठमाडौमा महाधिवेशन हुदैछ।