दावा जाङ्बु शेर्पा /काठमाडौं

गोराखानी सेवा समाजले ग्याल्पो लोसार शुभकामना आदानप्रदान तथा सास्कृतिक कार्यक्रम आयोजना गर्ने भएको छ ।

काठमाडौँको बौद्धस्थित शेर्पा सेवा केन्द्रमा २१५१औँ स्यिङ फो डुग लो लोसार शुभकामना आदानप्रदान तथा संस्कृतिक कार्यक्रम आयोजना गर्न लागिएको आयोजक संस्थाले जानकारी दिनुभयो ।

शेर्पा समूदायको भाषा, कला र संस्कृति जगेर्ना गर्ने उदेश्यले स्थापना भएको संस्थाले शेर्पा भाषा, संस्कृति र विविध कार्यहरू गर्दै आइरहेको संस्थाका अध्यक्ष दावा शेर्पाले बताउनु भयो ।

लोसार शुभकामना आदानप्रदान तथा संस्कृतिक कार्यक्रम भव्य रुपमा आयोजना गर्न लागिएको बताउनु भयो । संस्कृतिक कार्यक्रमा कलाकारहरू लाक्पा तेन्जी शेर्पा ल्हामु शेर्पा छोङ्बा शेर्पा मिङमार शेर्पा र स्थानीय कलाकारहरुको बेजोड प्रस्तुति साथै शेर्पाको श्याब्रु नाच टुङ्ना शिलि नृत्य मौलिक झाकी प्रदर्शन प्रस्तुतिको साथमा डिजेसेसन् समेत रहेको शेर्पाले बताउनु भयो ।