सोलुखुम्बु । थुलुङ दुधकोशी गाउँपालिका – ५ जुबुस्थित सगरमाथा आधारभुत विद्यालयका विद्यार्थीहरुलाई शैक्षिक सामाग्री प्राप्त भएको छ । जुबु ५ स्थायी घर भई हाल कोरियालाई कर्मथलो बनाउदै आउनुभएका केदार बस्नेतले ३५ हजार बराबरको शैक्षिक सामाग्री सहयोग गर्नुभएको हो ।
बस्नेतले सहयोग गर्नुभएको सामाग्री उनका आमा सरिता बस्नेत र ठुलोबुबा भुपध्वज बस्नेतमार्फत आज विद्यालयलाई हस्तान्तरण गरिएको बस्नेतले दुधकोशी खबरलाई बताए ।
बिद्यार्थीको पढाइ प्रती थप हौसला साथै बिद्यालय जाने बानिको बिकास गर्न शैक्षिक सामाग्री वितरण गरेको उनले उल्लेख गरे ।
२२ जना विद्यार्थी रहेको यस विद्यालयका विद्यार्थीहरुलाई २२ थान झोला, कापी, कलम प्राप्त भएको विद्यालय स्रोतले जनाएको छ ।