सोलुखुम्बु । थुलुङ दुधकोशी गाउँपालिका-७ स्थित नाम्से आधारभुत विद्यालयको भवन उद्घाटन सम्पन्न भएको छ ।
थुलुङ दुधकोशी गाउँपालिकाको  रु. २९ लाख बजेटमा स्वर्णिम टोल विकास संस्थाले उक्त भवन निर्माण गरेको हो ।
५ कोठे भुकम्प प्रतिरोधी भवन २०७९ साल माघ २६ गते सम्झौता भई २०८० साल बैशाख मसान्तमा निर्माण सम्पन्न भएको थियो ।
उक्त भवनको गाउँपालिका अध्यक्ष असिम राईले आज रिबन काटेर उद्घाटन गर्नुभएको हो ।
हाल बालविकास देखि ३ कक्षासम्म पठनपाठन हुँदै आइरहेको यस विद्यालयमा ४२ जना विद्यार्थिहरु अध्ययनरत छन ।
यस्तै शिक्षक २ जना, बालविकास सहयोगी कार्यकर्ता १ , कार्यालय सहयोगी १ गरि ४ जना कर्मचारी कार्यरत छन ।
नाम्से अधारभुत विद्यालयको पुरानो भवन रहेको भएपनी २०७२ सालको भुकम्पबाट जिर्ण भएकाले चित्राको टहरामा पठनपाठन गराइदै आएको थियो । भवन उद्घाटनसँगै पठनपाठनमा सहजता भएको विद्यालय व्यवस्थापन समितिका अध्यक्ष बुद्दिराम नेपालीले जानकारी दिनुभयो ।
कार्यक्रममा जनप्रतिनिधि, शिक्षक, स्थानियवासी तथा विद्यार्थीहरुको उपस्थिति रहेको थियो ।