सोलुखुम्बु ।  सोलुखुम्बुको थुलुङ दुधकोशी गाउँपालिका -१ नेलेमा खुल्ला फुटबल प्रतियोगिता हुने भएको छ ।
शुभदिपावली तथा छठ पर्वको अवसरमा नेले युथ क्लवद्वारा आयोजित प्रतियोगिता कात्तिक १४ गतेदेखी १६ गतेसम्म सन्चालन हुने क्लवका अध्यक्ष साजन गुरुङले जानकारी दिए ।

उनका अनुसार प्रतियोगितामा प्रथम, द्वितीय र तृतीय हुने टिमलाई क्रमश : नगद ५० हजार रुपैयाँ, २५ हजार रुपैयाँ र ५ हजार रुपैयाँको साथमा ट्रफी, मेडल र प्रमान-पत्र प्रदान गरिनेछ ।

यस्तै उत्कृष्ट गोल रक्षक, सर्वोत्कृष्ट खेलाडी, सर्वाधिक गोलकर्ता, उत्कृष्ट स्ट्राइकर, उत्कृष्ट डिफेन्डरलाई ट्रफी र प्रमाण-पत्र प्रदान गरिनेछ ।

जीवनज्योति माध्यमिक विद्यालयको खेलमैदानमा हुने सो कार्यक्रमको प्रत्यक्ष प्रसारण दुधकोशी खबर/टेलिभिजनबाट हुनेछ ।